ჩვენ შესახებ

 

ნატო-საქართველოს წვრთნებისა და შეფასების ერთობლივი ცენტრი (JTEC) არის 2014 წლის ნატო-უელსის სამიტზე დამტკიცებული ნატო-საქართველოს არსებული პაკეტის (SNGP) ერთ-ერთი ინიციატივა.

დღეს ჩვენ მხარი დავუჭირეთ საქართველოსთვის მნიშვნელოვან პაკეტს, რომელიც მოიცავს თავდაცვის შესაძლებლობების განვითარებას, წვრთნებს, სწავლებებს, გაძლიერებულ კავშირს და თავსებადობის გაძლიერებულ შესაძლებლობებს. ეს ღონისძიებები მიზნად ისახავს საქართველოს თავდაცვისუნარიანობისა და ალიანსთან თავსებადობის გაძლიერებას, რაც დაეხმარება საქართველოს წინსვლას ალიანსში გაწევრიანებამდე“.

JTEC-ის ინაუგურაცია შედგა 2015 წელს და 2016 წლის 30 მაისს ჩამოყალიბდა ორგანიზაციად. JTEC-ის ჩამოყალიბებასა და განვითარებაში აქტიურ როლს თამაშობენ NATO-ს და პარტნიორი ქვეყნების წარმომადგენლები. ცენტრში მოქმედებს მრჩეველთა ჯგუფი (NATO Advisory Team), რომელიც ამჟამად წარმოდგენილია 4 სამხედრო მოსამსახურით, NATO-ს და პარტნიორი ქვეყნებისაგან: ნორვეგია, დიდი ბრიტანეთი, ლიეტუვა და უნგრეთი.

ამოცანა: ნატო-საქართველოს წვრთნებისა და შეფასების ერთობლივი ცენტრი (JTEC)  წარმოადგენს წვრთნებისა და სამხედრო განათლების სარდლობის ერთ-ერთ დაქვემდებარებულ სტრუქტურულ ქვედანაყოფს, რომლის ამოცანაა უზრუნველყოს კონსტრუქციული (სიმულაციური), საველე და ვირტუალური წვრთნა-შეფასება საქართველოს თავდაცვის ძალებისათვის, ასევე NATO-ს წევრი და პატნიორი ქვეყნებისთვის, რათა გააძლიეროს თავდაცვის შესაძლებლობები, გააუმჯობესოს NATO-სთან თავსებადობა და ხელი შეუწყოს რეგიონალურ თანამშრომლობას.

 

 

სამეთაურო-საშტაბო წვრთნების ცენტრი

- გეგმავს და აღასრულებს ბატალიონისა და ბრიგადების დონეზე სამთეაურო-საშტაბო წვრთნებს, როგორც ეროვნულ ასევე მრავალეროვნულ გარემოში, გაერთიანებული კონფლიქტებისა და ტაქტიკის სიმულატორების (JCATS) სისტემის გამოყენებით. 

 

 

 

საველე წვრთნების ცენტრი

-  ცენტრი პასუხისმგებელია საქართველოს თავდაცვის მზადყოფნის პროგრამის აღსრულებაზე.

 

 

  

წვერთნების შეფასების ცენტრი

 - პასუხისმგებელია თავდაცვის ძალების ქვედანაყოფების საბრძოლო მომზადების შეფასებაზე სხვადასხვა კოლექტიურ დავალებებში. ამ ეტაპზე ათეულის, ოცეულის და ასეულის დონეზე. ასევე საქართველოს თავდაცვის ძალების მასშტაბით ამზადებს დამკვირვებელ/მაკონტროლებელ-ინსტრუქტორებს.